О блаженная Мати Матроно, душею на Небеси пред Престолом Божиим предстояй, телом же на земли почиваяй,
и данною Ти свыше благодатию различные чудеса источаяй!
Призри ныне милостивным твоим оком на ны, грешныя, в скорбех, болезнех и бесовских искушениях дни свои иждивающия. Прославленная Богом, но не прославленная человеками, утеши ны, отчаянныя, исцели недузи наши лютыя, от Бога нам по грехом нашим попущаемыя, избави ны от многих скорбей и обстояний, и умоли Господа нашего Иисуса Христа простити нам вся наша согрешения, беззакония и грехопадения, яже мы от юности нашея даже и до настоящего дне и часа согрешили, да твоими молитвами получивше благодать и велию милость, прославим в Троице
Единаго Бога, Отца, и Сына, и Святаго Духа,
и ныне, и присно,и во веки веков. Аминь